Umabot sa 12 bettor ang nanalo ng jackpot prizes sa iba’t ibang major lotto draws ng Philippine Charity Sweepstakes Office (PCSO) kahapon, Martes, May 5, 2026.
Sa Lotto 6/42, isang bettor mula sa Laguna ang tumama sa winning combination na 31-28-19-03-02-04 at napanalunan ang P10 million jackpot.
Sa Superlotto 6/49, isang mananaya mula Pampanga ang nakakuha ng tamang kombinasyon na 44-03-08-31-06-49 na may premyong P40,607,323.57.
Pinakamalaki ang napanalunan sa Ultra Lotto 6/58 na may P76,305,973.15 jackpot kung saan 10 bettor ang maghahati-hati matapos tamaan ang kombinasyon na 01-58-25-43-26-16.
Ang Lotto 6/42 ay dino-draw tuwing Martes, Huwebes, at Sabado; ang Superlotto 6/49 ay tuwing Martes, Huwebes, at Linggo; habang ang Ultra Lotto 6/58 ay tuwing Martes, Biyernes, at Linggo.
