Naglabas ng bagong general orders ang Philippine National Police para sa reassignment ng tatlong senior police officials sa mahahalagang posisyon, epektibo kahapon, April 15.
Sa ilalim ng NHQ general order, itinalaga si Police Brig. Gen. Redrico Atienza Maranan bilang acting director ng Philippine National Police Academy.
Samantala, hinirang si Pol. Brig. Gen. Arnold Casingal Santiago bilang acting district director ng Manila Police District sa ilalim ng National Capital Region Police Office.
Itinalaga rin si Pol. Brig. Gen. Arnold Evangelista Abad bilang acting regional director ng Police Regional Office 7.
Ayon sa PNP, ang reshuffle ay iniutos ni PNP Chief Pol. Gen. Jose Melencio Nartatez Jr. at pirmado ni Chief of the Directorial Staff Pol. Lt. Gen. Neri Vincent Ignacio.
