Nakumpleto na ng Philippine National Police ang security plan para sa ika-40 anibersaryo ng EDSA People Power Revolution, at sa Trillion Peso March bukas, February 25.
Ayon kay PNP Chief Gen. Jose Melencio Nartatez Jr., mananatili ang mataas na alerto sa Pambansang Pulisya kahit walang namo-monitor na anumang banta sa seguridad sa pagtitipon.
“There are no verified intelligence reports confirming any security threat but we will not lower our guard by maintaining high level of alertness to prevent infiltration of individuals who may intend to disrupt a peaceful assembly,” —Nartatez.
Sa Metro Manila, magpapakalat ang National Capital Region Police Office ng mahigit 13,000 pulis sa EDSA Shrine, People Power Monument, at iba pang pangunahing lugar.
Inatasan na rin ang mga Police Regional Offices sa buong bansa na magtaas ng alert level at magpatupad ng calibrated security measures.
Ani Nartatez, iniutos na rin nito sa unit commanders ang pagpapatupad ng maximum tolerance, pakikipag-ugnayan sa LGUs at organizers, maging ang pagbabantay laban sa posibleng agitators at misinformation.
“We are anticipating the presence of multiple groups with opposing views. While we respect their right to peaceful assembly, our primary responsibility is to ensure public safety,” —Nartatez | Via Joana Luna, D8TV News
