Delisted na si Cavite 4th District Rep. Kiko Barzaga sa Armed Forces of the Philippines (AFP) Reserve Force dahil sa umano’y grave offenses sa military regulations.
Ito ang kinumpirma ni Philippine Army Spokesperson Col. Louie Dema-ala na epektibo pa noong September 21, 2025.
Alinsunod sa Articles 177 and 179 of the Revised Penal Code, aalisin na ang pribilehiyo ni Barzaga bilang reservist at wala na rin itong karapatan na magsuot ng military uniform.
Dagdag pa ni Dema-ala, hindi na rin maaaring italaga si Barzaga sa alinmang hanay ng AFP, regular man o reserve.
Bunga ito ng pagrekomenda ng Philippine Army Reserve Command na tanggalin si Barzaga matapos niyang himukin ang mga sundalo, pulis, at reservist na sumali sa mga protesta laban sa korapsyon noong Setyembre.
