Kinumpirma ni Presidential Anti-Organized Crime Commission (PAOCC) Spokesman Winston Casio na naisumite na ang request sa International Criminal Police Organization o Interpol upang mag-isyu ng red notice laban kay dating Presidential Spokesperson Harry Roque para sa kasong qualified human trafficking.
Ayon kay Casio, inaasahan niyang madadakip agad si Roque kapag nailabas na ang red notice.
Matatandaang noong Mayo, kasama ang dating presidential spokesperson sa inisyuhan ng warrant of arrest ng Pampanga Regional Trial Court kaugnay ng POGO scam hub operations na Lucky South 99 sa Porac, Pampanga.
Samantala, pinabulaanan ni Roque na siya ang nagsilbing head ng legal department ng Lucky South 99 at tumulong sa pagproseso ng lisensya upang makapag-operate ang naturang POGO. | via Ghazi Sarip
