Sumiklab ang sunog sa Philippine National Police-Explosives and Ordnance Division/Canine Group compound sa loob ng Camp Crame sa Quezon City kaninang madaling araw, September 24.
Ayon sa Headquarters Support Service, nasunog ang nasabing compound kaninang 12:41 nang madaling araw. Agad namang inakyat ng Bureau of Fire Protection sa first alarm ang sunog bandang 1:00 AM.
Umabot sa 40 firetrucks ang agad na rumesponde sa sunog kaya’t mabilis itong naapula, at opisyal itong idineklarang fire out bandang 1:57 AM.
Ayon sa Philippine National Police (PNP), wala namang nasaktan o nasawi sa nasabing insidente. Samantala, iniimbestigahan pa rin ng BFP ang dahilan ng sunog. | via Kai Diamante, D8TV News | Photos via Jayar Antiojo and PNP
#D8TVNews #D8TV
