Pinalalakas ng pamahalaang panlalawigan ng Pangasinan ang suporta nito sa halos 1,500 magsasaka sa ilalim ng corporate farming program. Isa sa mga pangunahing hakbang ay direktang pagbili ng palay mula sa mga magsasaka sa presyong mas mataas kaysa alok ng NFA (₱19–₱23 kada kilo).
Ayon kay Vice Governor Mark Ronald Lambino, ito ay bahagi ng direktiba ni Governor Ramon Guico III upang taasan ang kita ng mga magsasaka at gawing mas sustainable ang agrikultura. Isa ring opsyon ang pakikipag-ugnayan sa NFA sa pamamagitan ng tripartite agreement.
Ang programa ay pilot test muna ngayong taon gamit ang pondo ng Governor’s Office, at balak gawing batas sa 2026. Patuloy din ang mga subsidyo sa binhi at abono, pero uunahin ang mga kasali sa corporate farming para mas maraming sumali.
Simula noong dry season 2022–2023, tumaas ng 13.6% ang ani dahil sa programang ito. Mula sa 4 na asosasyon (101 magsasaka), lumobo ito sa 54 asosasyon at 1,448 na magsasaka na sumasakop sa 1,272 ektarya ngayong 2024.
Ang corporate farming ay flagship program ni Gov. Guico na layong gawing negosyong kumikita ang pagsasaka, sa tulong ng LGUs, DA, national agencies, at pribadong sektor. | via Allan Ortega | Photo Courtesy of DA-PhilMech
#D8TVNews #D8TV
