Noong nakaraang linggo, pinuri natin ang Commission on Higher Education (CHEd) sa pagbibigay ng scholarship para sa mga guro. Ngayon naman, mas pinapalakas nila ang programa para sa mga doktor sa ilalim ng Doktor Para sa Bayan Act.
Ayon kay CHEd Chairman J. Prospero de Vera III, mula walong pampublikong medikal na paaralan noong 2022, ngayon ay umabot na ito sa 24, kabilang ang 14 bagong paaralan sa ilalim ng administrasyong Marcos. Lahat ng rehiyon ay may medical school maliban sa Cordillera.
Sa kasalukuyan, 2,689 na estudyante ang suportado ng Medical Scholarship and Return Service (MSRS). Para sa unang semestre ng 2024–2025, target ang 2,635 scholars. Bukas ito sa mga estudyanteng handang maglingkod sa mga liblib na lugar na walang doktor, mahihirap na bayan, at conflict areas.
Ginagamit ng mga iskolar ang pondo sa tuition, libro, uniporme, tirahan, at iba pang gastusin. Kasama rin sila sa National Health Insurance Program at GSIS.
Ngayong taon, may 190 graduates na sasailalim sa isang taong internship bago kumuha ng licensure exam at maipadala sa mga kanayunan. CHEd din ay patuloy na naglalaan ng bilyon-bilyong pondo para sa state-of-the-art na kagamitan sa mga pampublikong medikal na paaralan.
Pero habang dumadami ang doktor, kapos pa rin tayo sa nurses, radiologic technicians, at pharmacists, na kadalasang umaalis ng bansa matapos pumasa sa board exam para magtrabaho sa ibang bansa. | via Allan Ortega | Photo via pna.gov.ph
#D8TVNews #D8TV
