Inilabas na ng Department of Justice (DOJ) ang immigration lookout bulletin order laban sa 43 indibidwal. Kabilang sa listahan sina Curlee at Sarah Discaya, ilan pang mga kontraktor at opisyal ng DPWH.
Tugon ito sa hiling ng Senate Blue Ribbon Committee at ni Department of Public Works and Highways (DPWH) Secretary Vince Dizon para sa isinasagawang imbestigasyon sa umano’y maanomalyang flood control projects sa bansa.
Sa ilalim ng ILBO, hindi ipinagbabawal ng ang pagbiyahe ng isang tao sa ibang bansa ngunit imo-monitor ito ng mga immigration officer.
Samantala, inihayag ni Justice Secretary Jesus Crispin Remulla na makikipagtulungan ang DOJ sa National Bureau of Investigation upang bumuo ng isang team na tututok sa imbestigasyon kaugnay sa mga proyekto sa flood control. via Alegria Galimba D8TV News
