Humigit kumulang P2 million ang halaga ng counterfeit insecticides na nakumpiska ng National Bureau of Investigation (NBI) sa Valenzuela City at Tondo, Manila kamakailan.
Ayon sa NBI, 13,412 na canisters ng pekeng Bao Li Lai aerosol insecticides at 3,042 na pekeng insecticides ang nasabat sa EveryJuan Shop at sa mga warehouse nito.
Nagkaroon ng operasyon nang dahil sa complaint na isinampa ng mga registered trademark owners na nagreklamo tungkol sa malawakang pagbebenta ng mga counterfeit versions ng kanilang mga produkto.
Nahaharap ang may-ari ng establisyemento sa kasong trademark infringement sa ilalim ng Republic Act 8293, the Intellectual Property Code of the Philippines. | via Kai Diamante
