Pinalawig ng Pag-IBIG Fund at GSIS ang pagtanggap ng calamity loan applications matapos ideklara ni Pangulong Ferdinand R. Marcos Jr. ang state of national calamity dahil sa sunod-sunod na sama ng panahon.
Ayon kay Nelson Ibarra ng Pag-IBIG Legazpi, tatanggap sila ng aplikasyon hanggang Pebrero 2026 at magpapatupad ng flexible service arrangements.
Sa ilalim ng state of calamity, 5.95% lang ang interest rate at puwedeng umutang ang miyembro ng hanggang 90% ng kanilang regular savings.
Paalala niya mag-apply nang maaga at huwag hintayin ang deadline.
Para makapag-apply, dapat ay active contributor, may 12 monthly savings, walang defaulted loan, at nakatira o nagtatrabaho sa lugar na nasa state of calamity.
Maaari ding mag-apply online gamit ang cellphone.
Samantala, sinabi ni Eugene Virgo ng GSIS-Legazpi na may emergency/calamity loan din ang GSIS na hanggang ₱20,000, walang service fee, at may 6% interest yearly.
Pwede ring mag-reborrow ang may existing loan at may 3-month grace period na walang bayad, interes o penalty.
Layunin ng mga programa na mabigyan ng mabilis at abot-kayang tulong pinansyal ang mga apektadong miyembro, lalo na para sa pag-ayos ng bahay at agarang pangangailangan. | via Allan Ortega
