Naghanda na ang Department of Social Welfare and Development (DSWD) sa Bicol Region sa posibleng hagupit ng Bagyong Tino.
Naka-preposition na ang 212,320 family food packs at 20,353 non-food items, katumbas ng halos ₱184 milyon at may ₱3 milyon pa na standby funds para sa emergency.
Ayon kay DSWD Regional Director Norman Laurio, nakalatag na ang tulong at naka-deploy na ang mga supplies para sa mga LGU sakaling kailanganin ang evacuation o may displacement dahil sa bagyo.
Kaugnay nito, nagsuspinde ng klase ang ilang lugar.
Sa Albay, kanselado ang kindergarten classes sa Camalig, Daraga, Manito, Guinobatan, Rapu-Rapu, Sto. Domingo, Bacacay at Legazpi City.
Sa Pio Duran, hanggang secondary level ang walang pasok.
Ayon kay Governor Luigi Villafuerte, itinaas na rin sa Red Alert ang Camarines Sur.
Pinai-activate na ang mga Emergency Operations Center at ipinag-utos na rin ang pre-emptive o forced evacuation sa mga delikadong lugar.
