Sinuri ni Supreme Court Senior Associate Justice Marvic Leonen, ang pagpapatupad ng digital court systems sa Benguet.
Bumisita si Leonen sa Hall of Justice sa Baguio City at sa Municipal Circuit Trial Court ng Tuba-Sablan upang tingnan ang rollout ng eCourtPH sa ilalim ng Strategic Plan for Judicial Innovations 2022–2027.
Layunin ng programa na palitan ang paper-based system at palakasin ang electronic filing at service sa mga kasong sibil alinsunod sa Rule 13-A ng Rules of Court.
Sinuri rin ang paggamit ng voice-to-text transcription program na Scriptix para sa mas episyenteng paghawak ng mga kaso. | via Felix Laban, D8TV Stringer
