Sinimulan na ng House Committee on Justice ang pagdinig laban sa mga inihaing impeachment complaint laban kay Pangulong Ferdinand Marcos Jr.
Pawang idineklara na sufficient in form ang dalawang reklamo.
Ito ay matapos makakuha ng 46-1-1 na boto para sa impeachment complaint na inihain ni Atty. Andre de Jesus na inendorso ni Pusong Pinoy Party-list Rep. Jett Nisay.
Nakakuha naman ng botong 35-9-1 ang reklamong inihain ng ilang pribadong indibidwal na inendorso ng Makabayan bloc.
Matapos na ideklarang sufficient in form ang ikalawang reklamo, nag-walk out si Manila Rep. Benny Abante.
Giit niya, malinaw umanong may insufficience in form sa reklamo laban sa Pangulo.
“It is very clear that there is insufficience in form… This is actually an exercise in futility and a waste of the people’s money. I therefore would like to walk out of this hearing right now,” ayon kay Abante.
Pinaliwanag naman ni House Committee on Justice Chairperson Gerville Luistro na ang pagtukoy ng sufficient in form at substance ng mga reklamo ay bahagi lamang ng preliminary procedure kaya’t hindi pa kinakailangan ang presensya ng respondent.
Magpapatuloy naman ang pagdinig bukas, February 3, upang talakayin ang sufficience in substance ng mga impeachment complaint. | via Alegria Galimba, D8TV News
