Inaresto ng Philippine National Police (PNP) pasado hatinggabi ang isang kapwa-akusado ni dating Senador Ramon Revilla sa kasong malversation kaugnay pa rin ng mga maanomalyang flood control project.
Nadakip sa Mountain Province si Christina Mae del Rosario Pineda, isang cashier sa Department of Public Works and Highways (DPWH) Bulacan First District Engineering Office.
Ayon sa police officials, nahuli si Pineda matapos bumisita sa mga kaanak sa probinsiya. Kaagad siyang dinala sa CIDG Mountain Province Provincial Field Unit at nilipat sa Region 3 kaninang 5 a.m. ng umaga.
Ang pag-arestong ito ay isinagawa matapos makuha ang arrest warrant kay Pineda, Revilla at iba pang akusado mula sa Sandiganbayan Third Division noong January 19.
