Inihayag ni Senator Rodante Marcoleta na hindi natuwa ang China sa pagpapakita sa kanila bilang “kontrabida” sa usapin ng West Philippine Sea, batay sa kanyang pag-uulat ng sinabi ng embahador ng Beijing sa Maynila.
Sa isang privilege speech nitong Lunes, January 26, kinuwestiyon ni Senator Risa Hontiveros ang umano’y mga banta ng Chinese Embassy laban sa mga opisyal ng Pilipinas at nanawagan ng imbestigasyon ukol dito.
Ibinahagi naman ni Marcoleta na kamakailan niyang nakipagpulong kay Chinese Ambassador to Manila Huang Xilian, na naglabas ng pag-aalala tungkol sa tensyon sa pagitan ng Maynila at Beijing at nagpahayag ng kagustuhang isantabi muna ang alitan.
Ani Marcoleta, nagkaroon ng “relatibong kapayapaan” noong administrasyon ni dating Pangulong Rodrigo Duterte, na madalas nagpapahayag ng pro-China na posisyon sa West Philippine Sea. | via Jason Saguin
