Naaresto ng PDEA Rizal Provincial Office, PDEA-NCR Eastern District Office, Pasig City Police, at PNP District Drug Enforcement Unit ang dalawang high-value drug personalities sa isang joint buy-bust operation sa Barangay Pinagbuhatan, Pasig City.
Naganap ang operasyon nitong Nobyembre 13, 2025, bandang 11:00 ng gabi, kung saan nadakip sina alyas Anna (41, negosyante), Ronie (34, seaman), at Noraisa (42, online seller), na pawang mga residente rin ng Pinagbuhatan.
Nasamsam mula sa kanila ang humigit-kumulang 200 gramo ng hinihinalang shabu na nagkakahalaga ng ₱1.36 milyon, pati na ang marked money.
Kakasuhan sina alyas Anna at Ronie ng paglabag sa Section 5 (Sale of Dangerous Drugs) at Section 11 (Possession of Dangerous Drugs) ng RA 9165.
Samantala, si alyas Noraisa ay haharap sa kasong paglabag sa Presidential Decree 1829 o Obstruction of Justice. | via Allan Ortega
