Humiling ang Department of Public Works and Highways (DPWH) sa National Bureau of Investigation (NBI) at iba’t ibang private groups na magsagawa ng malalimang background check sa mga appointee ng ahensya.
Ito ay para matiyak ang transparency at integridad ng mga bagong opisyal alinsunod sa direktiba ni Pangulong Ferdinand Marcos Jr. kay Secretary Vince Dizon na malawakang reporma sa DPWH.
Makikipagtulungan ang DPWH para maisagawa ang vetting process sa NBI, Institute of Corporate Directors (ICD) Management Association of the Philippines (MAP) at Philippine Chamber of Commerce and Industry (PCCI).
Sakop ng proseso ang 14 opisyal ng DPWH mula undersecretary hanggang assistant secretary.
Kabilang dito sina:
- Senior Undersecretary Emil Sadain
- Undersecretary Arthur Bisnar
- Undersecretary Ador Canlas
- Undersecretary Nicasio Conti
- Undersecretary Charles Calima
- Undersecretary Samuel Rufino Turgano
- Undersecretary Ricardo Bernabe III
- OIC Undersecretary Lara Marisse Esquibil
- Assistant Secretary Nerie Bueno
- Assistant Secretary Medmier Malig
- Assistant Secretary Michael Villafranca
- Assistant Secretary Constante Llanes
- Assistant Secretary Michelle de Vera
- Assistant Secretary Suzanne Marie Liwanag
Ayon kay Dizon, bahagi ito ng paglilinis sa ahensya para matiyak na hindi tiwali ang mga magseserbisyo sa mga Pilipino. | via Alegria Galimba
