Ang Philippine Atmospheric, Geophysical, and Astronomical Services Administration (PAGASA) ay opisyal nang nagretiro ng walong pangalan ng bagyo mula sa listahan nito sa 2024 dahil sa matinding pinsalang idinulot ng mga ito sa bansa.
Inanunsyo ito sa 57th ESCAP/WMO Typhoon Committee Session sa Pasay City noong Pebrero 17, 2024, kung saan kinumpirma ni PAGASA Administrator Dr. Nathaniel T. Servando ang pag-aalis ng AGHON, ENTENG, JULIAN, KRISTINE, LEON, NIKA, OFEL, at PEPITO—ang pinakamalaking bilang ng tinanggal na pangalan sa isang taon mula 2001.
Ayon sa patakaran ng PAGASA, inaalis ang pangalan ng isang bagyo kung nagdulot ito ng hindi bababa sa 300 pagkamatay o P1 bilyong halaga ng pinsala. Dahil sa sunod-sunod na bagyong tumama noong huling bahagi ng 2024, lahat ng kaugnay na pangalan ay tinanggal.
Mula Enero 1, 2028, papalitan ang mga ito ng AMUYAO, EDRING, JOSEFA, KIDUL, LEKEP, NANOLAY, ONOS, at PUWOK mula sa nakalaang listahan ng PAGASA. – via Allan Ortega | Photo via DOST-PAGASA
DOST-PAGASA Inalis ang 8 pangalan ng bagyo dahil sa matinding epekto
