Ipinag-utos ng korte ang pag-aresto kay dating Philippine Charity Sweepstakes Office (PCSO) General Manager at Police Colonel na si Royina Garma kaugnay ng pagpatay kay dating PCSO Board Secretary Wesley Barayuga noong 2020, ayon sa Philippine National Police (PNP) nitong Lunes, September 29.
Kabilang sa ipinapaaresto sina Edilberto Dela Cruz Leonardo, Jeremey Zapata Causapin alyas “Toks”, Santie Fuentes Mendoza, at Nelson Enriquez Mariano.
Ayon kay PNP Spokesperson Brig. Gen. Randulf Tuaño, naglabas ng warrant of arrest noong September 13 ang Mandaluyong Regional Trial Court Branch 279 laban kina Garma para sa kasong murder at frustrated murder na walang inirekomendang piyansa.
Inatasan ni PNP acting chief Lt. Gen. Jose Melencio Nartatez ang agarang pagpapatupad ng warrant.
Ayon sa PNP, nasa custody ng Directorate for Personnel and Records Management si Mendoza habang wala pang impormasyon sa kinaroroonan nina Garma at iba pang akusado. | via Andrea Matias
