Pormal nang naghain ng reklamo si Davao City Mayor Baste Duterte sa Ombudsman laban sa labing-isang opisyal ng pamahalaan kaugnay sa pag-aresto sa kanyang ama na si dating Pangulong Rodrigo Duterte para isuko sa International Criminal Court (ICC) noong March 11.
Nahaharap ang mga opisyal sa kasong kidnapping, arbitratry detention, grave misconduct at iba pang mga paglabag sa batas.
Kabilang sa mga inireklamo ni Mayor Duterte sina DILG Secretary Jonvic Remulla, DND Secretary Gilbert Teodoro, National Security Adviser Eduardo Año, DOJ Secretary Jesus Crispin Remulla, Usec. Nicholas Felix Ty, mga dating PNP Chief na sina P/Gen. Rommel Francisco Marbil at P/Gen. Nicolas Torre, Markus Lacanilao, Anthony Alcantara, Richard Anthony Fadullon, dating PNP Spokesperson Jean Fajardo.
Nakasaad sa reklamo na sapilitang dinala si dating Pangulong Duterte mula Villamor Air Base patungong The Hague nang walang due process at pinagkaitan ng agarang gamutan para sa kaniyang diabetes.
Dahil dito, ipinagpatuloy ni Mayor Baste ang kaso habang nakakulong pa rin ang kanyang ama sa ibang bansa. | via Alegria Galimba, D8TV News
#D8TVNews #D8TV
