Humiling si Department of Public Works and Highways (DPWH) Secretary Vince Dizon sa Department of Justice (DOJ) magpalabas ng immigration lookout bulletin order laban kay dating DPWH Secretary Manuel Bonoan at apat na iba pa kasabay ng isinasagawang imbestigasyon sa umano’y maanomalyang flood control projects.
Bukod kay Bonoan, ipinalalagay rin sa ILBO sina Candaba, Pampanga Mayor Rene Maglangue, at ilang opisyal ng MBB Global Properties Corporation.
Ayon kay Dizon, kasunod ito ng direktiba ni Pangulong Ferdinand Marcos Jr. para mapanagot ang lahat ng posibleng sangkot sa mga katiwalian.
Sa ilalim ng ILBO, hindi ipinagbabawal ang pagbiyahe ng isang tao sa ibang bansa ngunit imo-monitor ito ng mga immigration officer. | via Alegria Galimba, D8TV News | Photo via DPWH
#D8TVNews #D8TV
