Arestado ang isang lalaki matapos ang ikinasang buy-bust operation ng Philippine Drug Enforcement Agency – Bangsamoro Autonomous Region in Muslim Mindanao (PDEA-BARMM) katuwang ang 34th Infantry Battalion nitong Martes, July 29 sa Barangay Balacayon, Pahamuddin.
Tiklo ang suspek na pinangalanang alyas “Mascod,” na nakuhaan ng limang gramo ng hinihinalang shabu, buy-bust money, mga drug paraphernalia, at mga armas.
Ang mga armas na nasabat sa suspek ay isang caliber 1911 Springfield Armory 45 pistol, isang revolver handgun, isang MK2 hand grenade, at mga bala ng baril.
Nahaharap ang suspek sa mga kasong paglabag sa Republic Act No. 9165 o ang Comprehensive Dangerous Drugs Act of 2002, RA No.10591, at RA No. 9516 o ang Illegal Possession of Firearms and Ammunition, and Explosives. | via Florence Alfonso, D8TV News Intern | Photo via PDEA-BARMM
#D8TVNews #D8TV
