Tinanggap ng Pilipinas noong Lunes ang desisyon ng Estados Unidos na magbigay ng exemption sa bahagi ng kanilang foreign military assistance sa bansa, sa kabila ng aid freeze na ipinag-utos ni US President Donald Trump. Ito ay patunay ng matibay na alyansa ng dalawang bansa at pagpapalakas ng kanilang defense cooperation.
Ayon sa Reuters, pinayagan ng US ang paglabas ng $5.3 bilyong foreign aid, kabilang ang $336 milyon para sa modernisasyon ng seguridad ng Pilipinas. Sinabi ni Philippine Ambassador Jose Manuel Romualdez na ang exemption na ito ay patunay ng matibay na ugnayan ng Pilipinas at US.
Kinumpirma ng Department of Foreign Affairs (DFA) ang waiver sa US military financing, na hindi umano makakaapekto sa Enhanced Defense Cooperation Agreement (Edca). Ang Edca, na nagsimula noong 2014, ay nagbibigay-daan sa US forces na magkaroon ng access sa mga piling lokasyon sa Pilipinas para sa military training at humanitarian efforts.
Mahalaga ang US assistance sa modernisasyon ng Philippine military, lalo na sa gitna ng lumalalang tensyon sa South China Sea. Noong nakaraang taon, inanunsyo ng US ang $500 milyong tulong para sa Armed Forces of the Philippines at Philippine Coast Guard. – via Allan Ortega
Tulong sa seguridad ng U.S. sa Pinas hindi kasama sa pagpapatigil ng ayuda
