Tatlong sistema ng panahon ang patuloy na nakakaapekto sa Pilipinas, ayon sa Pagasa nitong Biyernes.
• Shear line – Nakakaapekto sa Southern Luzon at Visayas; dulot ng pagsasalubong ng malamig na hangin mula sa hilaga at mainit na hangin mula sa Karagatang Pasipiko.
• Amihan (Northeast Monsoon) – Nakakaapekto sa natitirang bahagi ng Luzon.
• Easterlies – Nagdadala ng mainit at maalinsangang hangin sa timog ng Mindanao.
Makakaranas ng maulap na panahon, kalat-kalat na pag-ulan, at pagkulog-pagkidlat ang Visayas, Mimaropa, Bicol, Northern Mindanao, Caraga, Zamboanga Peninsula, Quezon, at Davao Oriental.
Nagbabala ang Pagasa ng posibleng pagbaha at pagguho ng lupa sa Metro Manila, Cagayan Valley, Cordillera, Calabarzon, Basilan, Sulu, at Tawi-Tawi dahil sa pag-ulan.