Sa mundo ng showbiz, mas kilala siya bilang Kiko — ang gwapong binatilyo na kinagiliwan sa TV at pelikula noong dekada ‘90. Pero sa kanyang maybahay na si Sandy at sa kanilang tatlong anak, siya si Daddy/Dada — ilaw ng tahanan, puso ng pamilya.
Isang napakasakit na balita ang ibinahagi ni Sandy sa kanyang Facebook post:
“My husband suddenly passed away the morning of Tuesday, May 27th… Today (May 30) would have been his 51st birthday.”
Ang buwan ng Mayo, na sana’y punô ng kasiyahan, ay nauwi sa pagluluksa.
“May was our month!” sabi pa ni Sandy. Sunod-sunod kasi ang mga kaarawan nila — May 5, 28, 29 at 30. Pero ngayong taon, sabay ang “Happy Birthday” at “Condolence.” Isang kakaibang sakit para sa isang pamilyang dapat sana’y nagdiriwang.
Matagal nang nanirahan si Red sa Amerika, malayo sa spotlight, pero hindi nalilimutan ng kanyang mga tagahanga at kaibigan ang kanyang kabaitan at alaalang iniwan sa industriya.
Nagpapaabot ng panalangin at pakikiramay ang maraming kaibigan, dating katrabaho, at mga tagasuporta.
Muli naming ibinabalik sa alaala ang simpleng lalaking minsang nagpangiti at nagbigay-inspirasyon sa marami.
#D8TVNews #D8TV
