Itinalaga si Police Major General Nicolas Deloso Torre III bilang bagong Hepe ng Philippine National Police (PNP), kasunod ng kanyang matagumpay na pamumuno sa Criminal Investigation and Detection Group (CIDG). Bilang CIDG chief, pinangunahan niya ang mga sensitibong operasyon, kabilang ang pag-aresto kay Pastor Apollo Quiboloy at ang pagpapatupad ng warrant mula sa International Criminal Court laban kay dating Pangulong Rodrigo Duterte.
Isinilang noong Marso 11, 1970 sa Jolo, Sulu, nagtapos si Torre sa Philippine National Police Academy (PNPA) Class of 1993. Bago ang kanyang tungkulin sa CIDG, nagsilbi siya bilang hepe ng pulisya sa Samar, Davao Region, at Quezon City. Sa kanyang panunungkulan sa Quezon City Police District (QCPD), humarap siya sa kontrobersiya matapos ang isang press conference kaugnay ng isang insidente ng road rage, na nauwi sa kanyang pagbibitiw sa puwesto.
Ayon kay Executive Secretary Lucasa Bersamin, hindi madaling sabihin ang eksaktong dahilan kung bakit si Torre ang napili, ngunit malinaw na si Pangulong Marcos ay laging humihiling ng mataas na antas ng performance sa sinumang inaatasan niya. | via Dann Miranda | Photo via PNP
#D8TVNews #D8TV
