Na-diagnose na dumaranas ng respiratory infection si Pope Francis. Mahigit isang linggo ng nasa Gemelli Hospital sa Roma ang 88 anyos na Santo Papa. Ayon sa Vatican, sumailalim siya sa chest CAT scan na nagpakitang may bilateral pneumonia, isang malubhang impeksyon na nagpapahirap sa paghinga.
Dahil sa polymicrobial infection, kinakailangan niya ng corticosteroid at antibiotic therapy. Mas madaling kapitan ng impeksyon sa baga ang lider ng simbahang Katolika dahil nagkaroon siya ng pleurisy noong kabataan nya at natanggal ang bahagi ng isang baga. – Allan Ortega
