Walong Chinese crew ng MV HUAGAN 98 ang misteryosong bumaba ng barko ilang oras bago ito inspeksyunin ng Philippine Coast Guard (PCG) noong Marso 20 sa Manila Anchorage Area. Ayon sa PCG, wala nang natitirang Chinese sa barko nang sila’y dumating, pero may ebidensiyang nagpatunay na naroon sila kamakailan.
Isang kalendaryo ng barko ang nagpakitang pito ang crew noong Marso 19, pero ang logbook ay nagsasabing walo ang bumaba bago magmadaling araw ng Marso 20. Samantala, itinanggi ng kapitan ng barko ang presensya ng mga Chinese crew, taliwas sa nakasulat sa logbook.
Bukod dito, nadiskubre rin sa tatlong barkong ininspeksyon na may mga Chinese na ilegal na naitalaga bilang crew, na labag sa regulasyon ng MARINA. May mga lumabag din sa kontrata ng DOLE, kabilang ang mga Chinese crew na dapat nagtatrabaho sa Zambales pero lumalarga sa Maynila.
Dahil sa mga paglabag na ito, binabantaan ng PCG ang mga shipping companies ng posibleng kaso sa ilalim ng maritime, labor, at immigration laws ng Pilipinas. | via Allan Ortega | Photo via Philippine Coast Guard
Misteryosong nawala ang mga chinese crew ng barko bago ang inspeksyon sa Maynila
